რემონტის დასაწყებად აუცილებელი პირობაა კარგად აცნობიერებდეთ, რა კრიტერიუმებს უნდა აკმაყოფილებდეს სარემონტო კომპანია, რომელსაც ანდობთ თქვენთვის სასურველი პროექტის განხორციელებას. არსებობს რამდენიმე ფაქტორი, რომლის გათვალისწინების შემთხვევაშიც თქვენ თავიდან აიცილებთ სარემონტო საქმიანობასთან დაკავშირებულ უსიამოვნებებს. აქვე გვინდა ავღნიშნოთ რომ მეტრიქსი არ არის სამშენებლო კომპანია, თუ თქვენ სამშენებლო კომპანიებს ეძებთ ამისთვის და მსგავსი სიახლეებისთვის ჩვენგან რეკომენდირებული ვებგვერდი გახლავთ Thouse.ge
სარემონტო ხელშეკრულების პირობები
სამშენებლო სარემონტო კომპანიები, რომლებიც ახორციელებენ მსგავსი ტიპის საქმიანობას, ძირითადად იყენებენ სტანდარტულ ხელშეკრულების ფორმას, რომელიც მეტწილად მორგებულია კომპანიის ინტერესებზე და ნაკლებად ითვალისწინებს დამკვეთის საჭიროებებს.
თუ კომპანიის დაქირავებას აპირებთ, მაგრამ არ იცით როგორ გამოიყურება სანდო და ეფექტური კომპანია, ნუ იდარდებთ, ამის შესახებ თითქმის ყველაფრის თქმა შეუძლიათ ხელშეკრულების დეტალებს.
თანამედროვე კომპანიებში მენეჯმენტის მთავარი ამოცანაა: კომპანიამ დამკვეთისთვის შექმნას მაქსიმალური სარგებელი. ამასთანავე, ცდილობდეს, რაც შეიძლება მეტი პასუხისმგებლობა დააკისროს საკუთარ თავს, რათა მაღალი სტანდარტის მომსახურება შესთავაზოს ბაზარს.
ასეთი კომპანიები საკუთარ მიდგომებს ასახავენ ხელშეკრულებაში და მხოლოდ სიტყვებით არ შემოიფარგლებიან, რათა თავი მაქსიმალურად კომფორტულად და დაცულად აგრძნობინონ დამკვეთს
ხელშეკრულების დეტალები
დეტალურად გადაიკითხეთ ხელშეკრულება და გაამახვილეთ ყურადღება შემდეგ საკითხებზე: ხელშეკრულებით გათვალისწინებულია თუ არა რემონტის დაწყება დასრულების ვადები, ვადაგადაცილების შემთხვევაში ეკისრება თუ არა კომპანიას ვადაგადაცილებისთვის ფინანსური ჯარიმა დამკვეთის სასარგებლოდ, არის თუ არა ხელშეკრულებაში შესრულების ხარისხზე პასუხისმგებლობა დეტალურად გაწერილი და სამუშაოს არაჯეროვნად შესრულების შემთხვევაში რა კონკრეტულ პასუხისმგებლობას აკისრებს საკუთარ თავს?
ოფიციალური პირობები კომპანიას და დამკვეთს შორის
კომპანიას და თქვენს შორის შეთანხმების ოფიციალური პირობების დეტალურად გაცნობა უმნიშვნელოვანესია სარემონტო სივრცეში მაღალი შედეგის მისაღებად, თუ ამ საკითხს უყურადღებოდ დატოვებთ, შესაძლოა ბოლოს აღმოაჩინოთ, რომ ერთმა ასომ მთლიანი ხელშეკრულების შინაარსი შეცვალა, თქვენ კი ხელშეკრულება თქვენ სასარგებლოდ დაწერილი მოგეჩვენათ; ასეთ შემთხვევაში დამკვეთი ყოველთვის ზარალდება.
გაითვალისწინეთ, რომ იდეალურია ხელშეკრულებ,ა რომელიც თანაბარ პირობებში აყენებს დამკვეთს და შემსრულებელს, სწორედ ამ ტიპის სახელშეკრულებო პირობებს შემოგთავაზებთ კეთილსინდისიერი და მაღალი კულტურის მქონე კომპანია.