კაპიტალური რემონტი

დაახლოებით 10 – 15 წელიწადში ერთხელ სახლი მოითხოვს ძირეულ ცვლილებებს და განახლებას. ამ პროცესს კაპიტალური რემონტი ჰქვია და  საკმაოდ დიდ სირთულეებთანაა დაკავშირებული. თუმცა, თუ ამ პროცესისითვის ჯეროვნად მოემზადებით როგორც ფინანსურად, ასევე ინფორმაციული და ფსიქოემოციური თვალსაზრისით, სასურველ შედეგს უფრო მარტივად მიიღებთ და კმაყოფილიც დარჩებით. კაპიტალური რემონტის მიზანია შენობის დეფექტების მთლიანად აღმოფხვრა, მოძველებული კომუნიკაციების შეცვლა, სარემონტო სივრცის მაქსიმალურად ისე დაგეგმვა, რომ შეესაბამებოდეს მესაკუთრის გემოვნებას.

რა სამუშაოებს მოიცავს კაპიტალური რემონტი

1. დიზაინის პროექტის შედგენა დამკვეთის გემოვნების გათვალისწინებით.
2. დემონტაჟი: ძველი  მასალების მოშორება ბეტონის საწყისამდე იატაკის, კედლების, ჭერის გასათანაბრებლად.
3. ფართის ახალიდან დატიხვრა (თუ ამის საჭიროებაა), კარ- ფანჯრებისთვის ახალი, მოსახერხებელი ადგილების ორგანიზება.
4. კომუნიკაციების შეცვლა: საჭიროების შემთხვევაში იგულისხმება გათბობის მილების, ელექტრო სადენების, წყალგაყვანილობის მილების შეცვლა.
5. ძველი კარ - ფანჯრის დემონტაჟი და ახლით ჩანაცვლება.
6. კედლების, ჭერის, იატაკის გათანაბრება. შავი სამუშაოების მიყვანა ბოლომდე და  ზედაპირების მომზადება სუფთა სამუშაოებისთვის.
7. სუფთა სამუშაოები: კედლებზე შპალერის გაკვრა ან შეღებვა, იატაკის საფარი, ფილების დაგება, შეკიდული ჭერის დამონტაჟება და ა. შ..
8. სამშენებლო ნარჩენების გატანა.

დიზაინ პროექტი - რემონტის მნიშვნელოვანი ნაწილი

სწორად გაკეთებული დიზაინის პროექტი გამოგადგებათ რემონტის ყველა ეტაპისთვის სამშენებლო მასალების რაოდენობის გამოთვლაში. ის მთლიანი ფართის ინტერიერს განსაზღვრავს. მისი გათვალისწინებით შეგიძლიათ აირჩიოთ სამშენებლო მასალები და დაგეგმოთ სარემონტო სამუშაოების თანამიმდევრობა.
დიზაინ პროექტი შეგიძლიათ შეადგინოთ თავად სპეციალური კომპიუტერული პროგრამების დახმარებით ან მიმართოთ პროფესიონალ დიზაინერს.
დიზაინპროგრამაში მუშაობისას სასურველია გამოიყენოთ ფერები. ეს გაგიადვილებთ იმის აღქმას თუ რამდენად სწორად არის  შერჩეული  დეკორაციის ფერები და  მიესადაგება თუ არა ავეჯის სტილს და ტონალობას.

როდის არის საჭირო მშენებლობის ნებართვა?

არის ისეთი ტიპის სამუშაოები, რომელთათვისაც საჭიროა ნებართვა და მისი შესრულება ნებართვის გარეშე ითვლება კანონდარღვევად. თუ პროექტი ითვალისწინებს შიდა ტიხრების დემონტაჟს და მშენებლობას, კომუნიკაციების ადგილმდებარეობის შეცვლას, აბაზანისა და ტუალეტის ზომის შეცვლას; ცენტრალური გაზმომარაგებისა და სითბოს მიწოდებასთან დაკავშირებული ცლილებების განხორციელებას -  ასეთ შემთხვევებში საჭირო იქნება ნებართვა რათა ეს ქმედებები კანონიერად  ჩაითვალოს.
ნებართვის გარეშე შესაძლებელია კოსმეტიკური რემონტი, ელექტრო ღუმელების გადაკეთება, კონდიციონერებისა და ანტენების დაყენება, აივნებისა და ლოჯების მხოლოდ გარეგნული ცვლილებები, ახალი საკომუნიკაციო სისტემების დემონტაჟი და მონტაჟი და ა. შ..

სამუშაოების თანამიმდევრობა კაპიტალური რემონტის დროს

არ აქვს მნიშვნელობა თავად გააკეთებთ რემონტს თუ ამ საქმეს სარემონტო კომპანიას მიანდობთ,  ორივე შემთხვევაში საჭირო იქნება შესასრულებელი სამუშაოების თანამიმდევრობის დაცვა, სწორად შედგენილი სარემონტო სამუშაოების თანამიდევრობის გეგმა გაგიმარტივებთ სამუშაო პროცესს, დაგიზოგავთ თანხებს  და დროშიც მოგებული დარჩებით, რადგან, არასწორი თანამიმდევრობით, უთავბოლოდ  და დაუგეგმავად რემონტის კეთება გამოიწვევს მრავალ სირთულეს, გაუგებრობას და შეცდომებს, რომელის გამოსწორებაც მარტივი არ იქნება.
1. პირველ რიგში, გამოათავისუფლეთ სარემონტო ფართი ავეჯისგან და ზედმეტი ნივთებისგან. ცარიელი ფართის დემონტაჟი გაცილებით მარტივია.
2. სანამ გათბობის სისტემის სტრუქტურული ელემენტების დემონტაჟს შეუდგებით, დარწმუნდით, რომ გათბობის სისტემა სითხისგან დაცლილია.
3.  კედლების და ჭერის გასუფთავება ძველი შპალერისგან. იატაკის დემონტაჟი (თუ გათვალისწინებულია მისი გამოცვლა და არა განახლება), კედლების ზედაპირის გასწორება და მობათქაშება ან  თაბაშირმუყაოს ფილების გამოყენება იდეალური სისწორისთვის.
4.კედლის მოპირკეთება აბაზანასა და სამზარეულოში.
5. ჭერის დეფექტების გასწორება თაბაშირმუყაოს ფილებით ან თაბაშირის ნარევის გამოყენებით. კედლებისა და ჭერის დეფექტების გასწორება საგოზავით და შემდგომ  ზედა ფენების დამუშავება ზუმფარის ქაღალდით.
6. იატაკის შავი სამუშაოების წარმოება. სანტექნიკის მონტაჟი.  კარისა და ფანჯრის წირთხლის შეკეთება, კარ - ფანჯრების გამოცვლა.
7. ჭერის დამუშავება საღებავით. კედლებზე შპალერის ან ისეთი ქაღალდის გაკვრა, რომლის მრავალჯერადად შეღებვაა შესაძლებელი და შემდგომ სასურველი ფერით შეღებვა.
8. იატაკის საფარის დაგება. პლინთუსებისა და დაფების (ე. წ. „ნალიჩნიკების“) აზომვა და დაყენება.
9. ბოლო ეტაპი არის  ელექტროტექნიკის და გათბობის რადიატორების დამონტაჟება.
 ყველა ამ სამუშაოს დასრულების შემდეგ, რემონტი შეიძლება ჩაითვალოს თითქმის დასრულებულად. თქვენ შეგიძლიათ ისიამოვნოთ სარემონტო სამუშაოების შედეგით!

ფართის სრული რემონტი გასაღების ჩაბარებით

როცა, ასე თუ ისე, გაარკვიეთ თუ რა ტიპის და სირთულის სამუშაოებთან გაქვთ საქმე და რას მოიცავს კაპიტალური რემონტი, უკვე შეგიძლიათ აირჩიოთ მოსახერხებელი ვარიანტი: გარისკავთ და ამას საკუთარი ძალებით შეეჭიდებით, ირბენთ მაღაზიებსა და საწყობებში საჭირო მასალების საყიდლად, რასაც უამრავი დრო და ნერვები დაჭირდება თუ მოძებნით ვიწრო ან ზოგადი პროფილის სპეციალისტებს ვებსაიტებზე და მეგობრებისა და ნათესავების რეკომენდაციებზე დაყრდნობით და შემდეგ სისტემატურად გადაამოწმებთ  მათ სამუშაოს ხარისხს, რაც აგრეთვე დიდ ნერვებს და დროს მოითხოვს. არის მესამე ვარიანტიც: თუ მიიღებთ გადაწყვეტილებას, არ დახარჯოთ დრო და ნერვები და დახარჯოთ იმაზე ოდნავ მეტი თანხა, რაც ზემოთ ჩამოთვლილ ორ ვარიანტზე დაგჭირდებოდათ, მაშინ შეგიძლიათ შეუკვეთოთ ბინის კაპიტალური რემონტი ე. წ. „გასაღების ჩაბარებით“,  ასეთ შემთხვევაში დაგჭირდებათ სანდო სამშენებლო - სარემონტო კომპანია, რომელიც სამუშაოებს ასრულებს მხოლოდ მაღალი ხარისხის მასალების გამოყენებით.

გაეცანით  კომპანია „მეტრიქსის“ მიერ შესრულებული სამუშაოების მაგალითებს. შეკვეთის გაფორმების შემდეგ თქვენ მიიღებთ  უმაღლესი ხარისხის ნამუშევარს და შედეგს, რომელსაც ელოდით!  

                                                                                                          კომპანია „მეტრიქსი“ გისურვებთ წარმატებას!